Coromandel : Enn Mason Mor Apre Enn Chute Depi Trwaziem Letaz

Jean Noel Albert, enn mason 49 an ki ti pe fer bann travay lor trwaziem letaz enn lizinn dan Coromandel, inn fer enn chute mortel azordi gramaten, Vandredi le 2 Mars 2018. Kan SAMU inn ariv sir plas, li ti deza fini rann lam.

Lekor viktim-la inn transporte lamorg lopital Victoria, Candos, pu enn otopsi. Lapolis Coromandel inn ouver enn lanket.