Meteo Afzal Goodur Pu Zedi Le 12 Juillet 2018

Afzal Goodur swet zot tu bonzur.

Mr Meteo prevwar ek eksplike : “Azordi, Zedi le 12 Juillet 2018, gramaten boner rezion lesid parti Chemin Grenier, Riviere des Anguilles, Grand Port pu ena lapli. Apartir 07hr ziska 09hr lapli pu enn tipe plis parti lest. Bann landrwa kuma Bel Air, Sebastopol, Grand Sable, Melrose, Montagne Blanche ziska Nouvelle Decouverte, li posib pu ena lapli. Mem Curepipe, Midlands, Rose Belle ek bann landrwa avwazinant, li posib letan pu lapli lapli. Tanperatir lor Medine Bambous pu 18 degre boner. Lallmatie 17 degre ek Curepipe 15 degre. Apre 14hr, letan pu enn tipe plis ansoleye.”


Dapre Afzal, labriz pu 27 km/hr ek pu sufle depi sud-sud-est avek bann pwent 40 km/hr. Lazurne pu fer 1 degre plis ki yer. Lamer res azite avek vag oter 2 met dan lenor. Dan luest vag pu oter 1.8 met ek lesid, vag pu oter 2.8 met. Pu ena vag krwaze rezion gris-gris.
Dan Rodrigues, letan pu enn tipe pli niaze boner gramaten. Apre 08hr, letan pu ansoleye. Lamer res move avek vag oter ant 2.8 met ek 3.3 met.